၂၀၂၅ ခုနှစ် ၊ တက္ကသိုလ်ဝင်စာမေးပွဲအောင်မြင်ပြီး ၂၀၂၅-၂၀၂၆ ပညာသင်နှစ်တွင် ကွန်ပျူတာတက္ကသိုလ် (တောင်ငူ)၏ ပထမနှစ်သင်တန်းသို့ ဝင်ခွင့်ရရှိသော ကျောင်းသား၊ကျောင်းသူများ စာရင်းထုတ်ပြန်ခြင်း ကွန်ပျူတာတက္ကသိုလ်(တောင်ငူ) ကျောင်းအပ်နှံစဉ် ကျောင်းသားနှင့် တစ်ပါတည်းယူဆောင်လာရမည့် အချက်များ ၁။        မိဘနှစ်ပါးစလုံးနှင့် ကျောင်းသား/သူ၏  နိုင်ငံသားစိစစ်ရေးကတ်များမိတ္တူ(ကတ်အတိုင်းမိတ္တူကူးရန်)(၁)စုံ မူရင်းနှင့်တိုက်ဆိုင်စစ်ဆေးမည်။ ၂။         အိမ်ထောင်စုဇယားမိတ္တူ(၁)စုံ မူရင်းနှင့်တိုက်ဆိုင်စစ်ဆေးမည်။ ၃။        (၆) လအတွင်း ရိုက်ကူးထားသော (1” x 1”) အရွယ် ကာလာဓါတ်ပုံ(၅)ပုံ             ကျောင်းသား – ရှပ်အင်္ကျီအဖြူ(သို့မဟုတ်)လည်ကတုံးအဖြူ             ကျောင်းသူ    – ရင်ဖုံးအင်္ကျီ(သို့မဟုတ်)မြန်မာအမျိုးသမီးအင်္ကျီ ၄။        တက္ကသိုလ်ဝင်တန်း စာမေးပွဲအောင်မြင်သည့် အမှတ်စာရင်းမိတ္တူ(၁)စုံ။ ၅။        တက္ကသိုလ်ဝင်တန်း စာမေးပွဲအောင်မြင်ကြောင်း ထောက်ခံစာမူရင်း (သို့) အောင်လက်မှတ်မိတ္တူ(၁)စုံ။ ၆။        ရပ်ကွက်ထောက်ခံစာ။ ၇။        ပြစ်မှုကင်းရှင်းကြောင်းရဲစခန်းထောက်ခံစာ။

မဟာတန်းသင်တန်းသားခေါ်ယူခြင်း မဟာကွန်ပျူတာသိပ္ပံဘွဲ့ /မဟာကွန်ပျူတာနည်းပညာဘွဲ့ သင်တန်းတက်ရောက်ရန် လျှောက်ထားသူများ သည် သင်တန်း ဝင်ခွင့် အရည်အချင်းစစ်စာမေးပွဲ (Entrance Exam) အတွက် ၁၇-၁၁-၂၀၂၅ (တနင်္လာနေ့ ) တွင်အင်္ဂလိပ်ဘာသာ (၀၉:၀၀ နာရီ မှ ၁၂:၀၀ နာရီ) နှင့် ၁၈-၁၁-၂၀၂၅ (အင်္ဂါနေ့ ) တွင် ဘာသာရပ်ဆိုင်ရာများ (၉:၀၀ နာရီ မှ ၁၂:၀၀ နာရီ) ကို  ကွန်ပျူတာတက္ကသိုလ် (တောင်ငူ) ၌ လာရောက် ဖြေဆိုကြရမည် ဖြစ်ပါသည်။ Download Announcement

၂၀၂၄-၂၀၂၅ ပညာသင်နှစ် မောင်မယ်သစ်လွင် ကြိုဆိုပွဲအခမ်းအနား ကွန်ပျူတာတက္ကသိုလ်(တောင်ငူ)၏ ၂၀၂၃-၂၀၂၄ ပညာသင်နှစ် ပညာရည်ချွန်ဆုပေးပွဲနှင့် ၂၀၂၄-၂၀၂၅ ပညာသင်နှစ်မောင်မယ်သစ်လွင်ကြိုဆိုပွဲ အခမ်းအနားအား ၂၄.၁၂.၂၀၂၅ ရက်နေ့၌ တက္ကသိုလ်၏စုဝေးခန်းမ၌ ကျင်းပခဲ့ရာ ပဲခူးတိုင်းဒေသကြီးအစိုးရအဖွဲ့၊ သယံဇာတရေးရာ ဝန်ကြီးဌာန ဝန်ကြီး ဦးတင်သိန်း၊ ဌာနဆိုင်ရာအသီးသီးမှ တာဝန်ရှိသူများမှ တက်ရောက်ချီးမြှင့်ခဲ့ပါသည်။အဆိုပါ အခမ်းအနား၌ ပညာရည်ထူးချွန်ဆုရကျောင်းသား/သူများအား ဆုချီးမြှင့်ခြင်း၊ project ထူးချွန်ဆုရကျောင်းသား/သူများအား ဂုဏ်ပြုလက်မှတ်ချီးမြှင့်ခြင်း နှင့် တာဝန်ကျေပွန်စွာထမ်းဆောင်ခဲ့သည့် ဆရာမများအား ဂုဏ်ပြုလက်ဆောင်များပေးအပ်ခဲ့ပါသည်။ထို့အပြင် သင်တန်းနှစ်အသီးသီးမှ ကျောင်းသား/သူများမှလည်း မြန်မာ့ရိုးရာအကအလှများ၊ တိုင်းရင်းသားပေါင်းစုံတို့၏အကများ၊ တေးသရုပ်ဖော်အကများ၊ K-Pop Dance များ၊ တေးသီချင်းသီဆိုမှုများ နှင့် ပြဇာတ်များဖြင့် အသီးသီးဖျော်‌ဖြေတင်ဆက်ခဲ့ကြပါသည်။